இல்லறத்தான் ஒருவன் நான் கடைத் தேடுவதற்கான வழி ஒன்றை சொல்லுங்கள் என்று குருதேவரிடம் வேண்டி நின்றான்.அதற்கு குருதேவர் பக்தியும், நம்பிக்கையும் வேண்டுமென்று இறைவனிடம் வேண்டிக் கொள் என்றார் .அவனும் சரி என்றான். இன்னும் சற்று விளக்கமாக சொல்ல நினைத்தார். அதற்கு ஒரு சிறுகதை. விபீஷணனிடம் ஒருவன் பெரிய கடலைக் கடப்பதற்கு என்ன செய்ய வேண்டும் என்று கேட்டான்.அதற்கு விபீஷணன் ஒரு சிறு இலையில் ராமநாமம் எழுதி முடிச்சு ஒன்று போட்டு அவனுடைய ஆடையின் ஒரு பகுதியில் கட்டி விட்டான். இந்த முடிச்சைப் பிடித்து கொண்டே கடலைக் கடந்து விடலாம் என்றான். எக்காரணம் கொண்டும் இந்த முடிச்சை அவிழ்த்து விடக்கூடாது என்றான். அவனும் முடிச்சை பிடித்துக்கொண்டே கடலைக் கடந்தான் நடுக்கடலை சென்றடைந்தபோது அவனுள் ஏற்பட்ட ஒரு ஆர்வத்தின் காரணமாக முடிச்சில் என்ன இருக்கிறது என்று பார்க்க எண்ணினான். நடுக்கடலில் நின்று கொண்டு முடிச்சை அவிழ்த்து அதில் என்ன இருக்கிறது என்று பார்த்து விட்டான். அதில் ராம நாமம் மட்டுமே எழுதப்பட்டிருந்தது. அதற்கு அவன்  ப்பூ இவ்வளவுதானா இதையா பிடித்துக்கொண்டு இவ்வளவு தூரம் வந்தேன் என்று நினைத்தான். நினைத்த  பொழுதே அவனிடம் இருந்த நம்பிக்கை அவனை விட்டுச் சென்றுவிட்டது. அடுத்த நொடி அவன் கடலில் மூழ்கிப் போனான். நாம் எல்லோருக்கும் சொல்லுகின்ற ஒரு செய்தி  என்னவென்றால்பக்தியோடு நம்பிக்கையும் வேண்டும் என்பதுதான். நம்பிக்கை இருந்தால் தன்னம்பிக்கை இருந்தால் நாம் வாழ்க்கையில் உய்வடையலாம் என்று இறைவன்  நமக்குசொல்லி இருக்கின்றார் இந்த நல்ல நாளில் அவர் சொல்லியதை நாம் வாழ்க்கையில் கடைபிடித்து வாழ்வோம்.